Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.bizin təqdim etdiyi “İdman bürcü” müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, “İdman bürcü”nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Qoçlar üçün həftə parlaq hadisələrlə başlayacaq. Yeni təkliflər və ya görüşlərin olacağı qaçılmazdır. Həftənin ortasında çox tələsik qərarlar verməməyə çalışın, çünki vacib detalları əldən vermək riskiniz var. Həftənin sonuna yaxın enerjiniz tükənməyə başlayacaq. Odur ki, dincəlmək və özünüzü bərpa etmək üçün vaxt ayırmalısınız. Özünüzə qarşı diqqətli olun və yaxınlarınızın məsləhətlərinə fikir verməyin. Basketbol, futzal, güləş, həndbol, voleybol və atıcılıq idman növlərində uğurlar vəd olunur.
Buğa
Buğalar üçün bu həftə sabit və məhsuldar keçəcək. Həftənin əvvəlində daxili rahatlıq gətirəcək çoxdankı məsələlər həll olunacaq. Bununla belə, həftənin ortalarında gözlənilməz vəziyyətlər yarana bilər. Şəxsi həyatınızda xoş sürprizlər vəd edilir. Bu, xüsusən həftəsonu mümkündür. Sağlamlığınıza diqqət yetirin və həddən artıq işdən çəkinin. Güləş, avarçəkmə, gimnastika və sambo növləri ilə məşğul olanların xoş müjdələr alacağı qaçılmazdır.
Əkizlər
Həftənin əvvəlində Əkizlər dramatik dəyişikliklər hiss edə bilər. Yaxınlarla münasibətdə yeniliklər gözlənilir. İş baxımından məhsuldar günlər vəd olunur. Diqqətinizi peşəkarlığınızı artırmağa yönəldin. Həftənin sonu dincəlmək və dostlarla ünsiyyət qurmaq fürsəti yaranacaq. Özünüzə və hobbilərinizə vaxt ayırmağa çalışın, bu sizə mənəvi zövq verəcək. Sambo, tennis, basketbol, cüdo, həndbol və voleybolçular üçün yaxşı başlanğıc olacaq.
Xərçəng
Həftə ərzində Xərçənglər üçün iş və şəxsi həyat arasında balans saxlamaq xüsusilə vacibdir. Həftənin əvvəlindən ailədə diqqətinizi tələb edən məsələlər yarana bilər. Peşəkar müstəvidə səbirlə hərəkət etsəniz və nəticə çıxarmağa tələsməsəniz, həftə uğurlu olacaq. Həftənin sonu maliyyə məsələlərinin həlli üçün əlverişli olacaq. Emosionallıqdan çəkinin və reaksiyalarınızı idarə edin. Atıcılıq, atletika, avarçəkmə, çövkən, güləş və cüdo növləri ilə məşğul olanlar üçün şanslı həftədir.
Şir
Şirləri aktiv hərəkətlər və qərarlar həftəsi gözləyir. Yeni karyera imkanları ola bilər. Çərşənbə günü təfərrüatlara fikir verməli və maliyyə ilə bağlı məsələlərdə diqqətli olmalısınız. Həftəsonu yaxınlarınızla şəxsi görüşlər və xoş tədbirlər üçün fürsət yaranacaq. Münaqişələrdən qaçmağa və başqalarına qarşı daha dözümlü olmağa çalışın. Qaçış, qılıncoynatma, avarçəkmə, atıcılıq, güləş və velosiped idmanında nailiyyətlər qaçılmazdır.
Qız
Qızlar bu həftə şəxsi məsələlərə daha çox vaxt ayırmağa ehtiyac duyacaqlar. Başqaları ilə münasibətlərinizə təsir edəcək mühüm seçimləriniz ola bilər. Həftənin ortası işləriniz bir qədər çox olacaq. Lakin iş və istirahət arasında balansı qoruyun. Həftəsonu yeni maraqların axtarışı üçün əlverişlidir. Həm özünüzü, həm də başqalarını həddindən artıq tənqid etməkdən çəkinin. Xoş əhval-ruhiyyəyə köklənməyə çalışın. Cüdo, güləş, üzgüçülük, futbol və karate ilə məşğul olan idmançıların bəxti üzlərinə güləcək.
Tərəzi
Tərəzilər həftəyə çox gümrah başlayacaqlar. Həftənin əvvəlində şəxsi həyatınızda diqqətinizi çəkən müsbət dəyişikliklər gözlənilir. Peşəkar sahədə diplomatik gedişlər etməyiniz xeyrinizə olacaq. Həftənin son günləri maliyyə məsələlərini həll etmək və gələcək layihələri planlaşdırmaq üçün əlverişlidir. Ailəniz və sevdiklərinizlə vaxt keçirməyə çalışın. Stolüstü tennis, gimnastika, güləş, cüdo və karate ilə məşğul olanları şəxsi həyatları ilə bağlı xoş müjdələr gözləyir.
Əqrəb
Əqrəblər üçün həftə məqsədə çatmaq baxımından sınaq dövrü olacaq. Bu günlərdə sizdən qətiyyət və cəsarətlilik tələb olunacaq. Səbirli olsanız, istəklərinizə qovuşa biləcəksiniz. Maliyyə məsələlərinə diqqət yetirin - mühüm qərarlar qəbul etmək üçün doğru zamandır. Həftənin sonu dostlar və ailə ilə ünsiyyət əlverişli olacaq. Həddindən artıq emosionallıqdan qaçın və çətin vəziyyətlərdə sakit olmağa çalışın. Otüstü hokkey, üzgüçülük, atçılıq, voleybol və qaçış növlərində uğurlar gözləniləndir.
Oxatan
Həftə Oxatanlara zəngin enerji bəxş edəcək. Həftənin əvvəlində sizin üçün yeni üfüqlər açacaq uğurlu tanışlıqlar və ya təkliflər mümkündür. Çərşənbə günü yarımçıq qalmış məsələləri həll etmək imkanı yaranacaq. Həftənin sonu istirahət və gələcək səfərləri planlaşdırmaq üçün əlverişlidir. Sağlamlığınıza diqqət yetirin, özünüzü həddindən artıq yükləməyin. Karate, basketbol, futzal, minifutbol və güləş idman növlərində uğurlar qazanmaq şansı böyükdür.
Oğlaq
Oğlaqlar üçün həftə karyeraları ilə bağlı mühüm məsələlərin həlli ilə başlayacaq. İstədiyiniz nəticəni əldə etmək üçün daha çox səy tələb oluna bilər, lakin səyləriniz mütləq öz bəhrəsini verəcək. Şəxsi münasibətlərinizə diqqət yetirin - bəlkə də yaxınlarınızdan birinin diqqətinizə ehtiyacı var. Həftənin sonu istirahət və gələcək haqqında düşünmək üçün münasib olacaq. Münaqişələrdən qaçmağa və səbirli olmağa çalışın. Hokkey, həndbol, voleybol, stolüstü tennis və basketbol növlərində hədsiz uğurlar gözlənilir.
Dolça
Həftə ərzində Dolçalar dəyişikliklər və yeni fürsətlərlə qarşılaşacaq. İş və ya şəxsi həyatınızla bağlı maraqlı təkliflər alacaqsınız. Çərşənbə axşamı özünüzə diqqət yetirməyiniz son dərəcə vacibdir. Bütün nəzərlər üstünüzdə olacaq. Həftənin sonu dostlar və ailə ilə ünsiyyət üçün əlverişlidir. Tələsik qərarlar verməməyə çalışın, həmçinin müsbət və mənfi məqamları ayrıd etməyə çalışın. Boks, şahmat, karate, güləş və üzgüçülük idman növlərində bol-bol uğurlar vəd edilir.
Balıqlar
Balıqlar bu həftə münasibətlərdə harmoniya qura və diqqətlərini məqsədlərinə yönəldə biləcəklər. Əhvalınıza təsir edəcək maraqlı görüşlər və ya yeni tanışlıqlar ola bilər. İş tapşırıqlarına diqqət yetirin, bu dəfə karyera yüksəlişi üçün əlverişli olacaq. Həftənin sonu dincəlmək və hobbilərinizlə məşğul olmaq imkanı yaranacaq. Səhhətinizlə bağlı kiçik problemlər ola bilər. Emosional insanlardan uzaq olmağa çalışın. Futbol, cüdo, stolüstü tennis, boks və şahmatla məşğul olanlar üçün uğurlar qaçılmazdır.
İdman.biz
