Türkiyəli tennisçi WTA Tour Merida yarışında çempion olub.
İnterpress.az xəbər verir ki, bu barədə Türkiyə mediası məlumat yayıb. Türkiyəli tennisçi Zeynep Sönməz WTA Tour Merida yarışının finalında amerikalı rəqibinə 2:0 hesabı ilə qalib gələrək çempion olub.
22 yaşlı tennisçi Meksikada keçirilən WTA 250 turnirinin finalında dünya çempionu Li ilə qarşılaşıb.
1 saat 10 dəqiqə davam edən matçda 6-2 və 6-1 hesabı ilə qalib gələn Zeynep Sönməz ilk WTA Çempionatını qazanıb.
Karyerasının ən mühüm çempionluğundan sonra göz yaşlarına boğulan və böyük sevinc hiss edən türkiyəli tennisçi mükafatlandırma mərasimindəki açıqlamasında bunları deyib:
“Bu, ən böyük arzularımdan biri idi. 15 ildir işləyirəm.
Bu uğura nail oldum və indi olduğum yerdəyəm. Bu mənim, ən çox da ailəm üçün çox şey deməkdir.
Mənə dəstək olan hər kəsə təşəkkür etmək istəyirəm”.
Bu uğuru ilə Zeynep Sönmez qadınların təklik reytinqində 36 pillə irəliləyərək 91-ci olub və karyerasını zirvəyə çatdırıb.
Sönməz WTA turnirində təklərdə çempionluq sevincini yaşayan Çağlı Büyükakçaydan sonra ikinci türk tennisçi olub.
Xuraman Etibarlı
İnterpress.az
