Bakı Dövlət Universitetində (BDU) “TələbəPlus” kartlarının təqdimat mərasimi keçirilib.
QHT.az xəbər verir ki, ilk kartlar universitetin ən yüksək bal toplayan 14 tələbəsinə təqdim olunub. Tədbirdə BDU-nun rektoru Elçin Babayev, Təhsilin İnkişafı Fondunun İdarə Heyətinin sədri Elnur Nəsibov, “Kapital Bank” və “Visa” şirkətlərinin nümayəndələri iştirak ediblər. Rektor Elçin Babayev kartların təqdimatını tələbələrin zəhmətinin tanınması olaraq qiymətləndirib.
Elnur Nəsibov bildirib ki, 1 ildən artıqdır üzərində işlənən layihə çərçivəsində 250 min tələbəyə xidmət göstərəcək kartlar təqdim ediləcək. Kart sahiblərinə pərakəndə satış, yemək, mədəniyyət obyektləri və təhsil mərkəzlərində imtiyazlar və endirimlər təqdim olunacaq. “TələbəPlus” kartının şüarı “Tələbə olmaq üstünlükdür” olaraq müəyyən edilib.
İlk istifadəçilərdən biri olan Məhəmməd Qasımov, kartın təqdimatı üçün təşəkkür edərək, bu imkanların gələcək inkişaflarına töhfə verəcəyini vurğulayıb.
Pərvanə Fərhadqızı
