Gürcüstan Mərkəzi Seçki Komissiyasının müxalifətçi üzvləri seçki komissiyasının təcili iclasını və təkrar seçkilərin keçirilməsini tələb edirlər. Buna səbəb oktyabrın 26-da keçirilən parlament seçkilərində səsvermənin gizliliyinin pozulmasıdır.
Qaziler.az bildirir ki, bu barədə qruziya-onlayn" yazıb.
“10 gün keçib və bu 10 gün ərzində əlaqədar tərəflər, qeyri-hökumət təşkilatları, ən əsası gürcü seçiciləri Konstitusiyanın əsas prinsipinin - məxfiliyin pozulmasına etiraz edirlər. Bunu dünənki məhkəmə də bir daha təsdiqləyib. MSK-nın müxalifətçi üzvləri MSK sədri Giorgi Kalandarişvilidən təcili olaraq seçkilərin etibarsız sayılacağı komissiyanın iclasını çağırmağı tələb edir, biz isə təkrar seçkilərin keçirilməsini tələb edirik”, - “Birlik-Milli Hərəkat” koalisiyasının nümayəndəsi David Kirtadze bildirib.
Müxalifətçi Georgi Sioridzenin sözlərinə görə, məhkəmə də seçkilərdə səsvermənin gizliliyinin pozulmasını təsdiqləyib ki, bu da bu faktı etibarlı şəkildə sübut edir.
Xatırladaq ki, Qori rayon məhkəməsi ISFED-in 15 seçki məntəqəsində etibarsız sayılmış bülletenlərin yenidən sayılması ilə bağlı iddiasını təmin edib. Bu qərarı hakim Nino Gerqauli verib.
QAZİLER.AZ
