İsrailin Beyrutun cənubundakı Barcaya hücumu nəticəsində ölənlərin sayı 30-a çatıb.
AZXEBER.COM xarici mediaya istinadən xəbər verir ki, bu barədə Livanın rəsmi agentliyi NNA məlumat yayıb.
Hadisə dünən axşam saatlarında baş verib.
İsrailin həyata keçirdiyi hava hücumunda həyatını itirən 30 nəfərin əksəriyyətinin parçalanmış cəsədlərinin tapıldığı bildirilib. Hücum zamanı yaralanan 3 nəfər Siblin, Mazbud və Sayda dövlət xəstəxanalarına çatdırılıb. İtkin düşənlərin tapılması üçün axtarış-xilasetmə işləri davam edir.
Livan Mülki Müdafiə rəsmisi Husam Dahruc dünənki hücumla bağlı açıqlama verib.
Açıqlamada bildirib:
\"17 nəfərin cəsədini və 3 yaralını dağıntılar altından çıxara bildik. 3 nəfərin cəsədini çıxarmaqda çətinlik çəkirik. Hələ də çata bilmədiyimiz dağıntılar altında olan insanlar var”.
Oksana
