Rusiya Federasiyası Prezidentinin köməkçisi və iqlim məsələləri üzrə xüsusi nümayəndəsi Ruslan Edelgeriyev Donald Trampı Bakıda keçiriləcək İqlim Sammitinə (COP-29) dəvət etməyi təklif edib
Modern.az xəbər verir ki, Edelgeriyev bu barədə "Valday" klubu çərçivəsində jurnalistlərə bildirib.
O, burada Trampla iqlim gündəmini və təbiətin mühafizəsi məsələlərini müzakirə etməyi məsləhət görüb:
"Bizim ilk beynəlxalq tədbirimiz tezliklə Bakıda olacaq. Hər kəs ora gələ bilər, istər prezident, istərsə də adi vətəndaş olsun. Məsləhət gördük ki, COP29-la bağlı Azərbaycan dəvət göndərsin. Cənab Tramp inauqurasiyaya kimi Bakıya gəlsin və onunla danışaq. İqlim, ekoloji layihə ilə bağlı çoxlu suallar var".
Rusiya prezidentinin köməkçisinin sözlərinə görə, Trampa ABŞ-ı yenidən Paris sazişindən çıxarıb-çıxarmayacağı sualı veriləcək.
