Türkiyə Radio Televiziya Qurumu (TRT) tərəfindən bu il 15-ci dəfə təşkil edilən "TRT Beynəlxalq Sənədli Film Mükafatları"na müraciətlər 15 noyabra qədər davam edəcək. Müsabiqə həvəskar və peşəkar sənədli film çəkənləri dəstəkləmək, bu janrının inkişafına və genişlənməsinə töhfə vermək və müxtəlif ölkələrdən olan proyektləri tamaşaçılarla bir araya gətirmək məqsədi daşıyır.
Dünyanın müxtəlif yerlərindən insanları bir araya gətirərək fikir mübadiləsi üçün bir platforma yaratmağı hədəfləyən müsabiqəyə müraciətlər 15 noyabra qədər "www.trtbelgesel.com" saytı üzərindən edilə bilər.
Qəzzada baş verən bəşəri drama diqqət çəkmək məqsədilə bu il "Uzaq olsa da əslində çox yaxın" şüarını daşıyan tədbirə 17 oktyabrdan etibarən sadəcə ölkə xaricindən 840 müraciət olub.
Milli və beynəlxalq kateqoriyalarda 13 mükafat veriləcək. İştirakın pulsuz olduğu müsabiqədə mükafatlar "Beynəlxalq Peşəkar kateqoriya", "Milli Peşəkar kateqoriya", "Milli Tələbə kateqoriyası" və "Layihə Dəstəyi kateqoriyası" olmaqla 4 kateqoriyada sahiblərinə təqdim olunacaq. İlk 3 kateqoriyada isə TRT-nin qurulmasının 60-cı ildönümü münasibətilə "60-cı ildönüm Xüsusi Mükafatı" da veriləcək. Müsabiqə çərçivəsində bütün kateqoriyalarda ümumilikdə 13 mükafat təqdim ediləcək. İlkin seçim nəticələri 22 noyabrda elan edilərkən qaliblər 15 dekabrda keçiriləcək mərasimdə açıqlanacaq.
Sinema peşəkarları ilə usta dərsləri, sənədli filmçiliyin bu günü və gələcəyinə dair müzakirələr və seminarlar kimi tədbirlər bütün iştirakçılar üçün açıq və pulsuz olacaq.
