Çempionlar Liqasının Liqa mərhələsinin 4-cü turunda evdə "Barselona"ya 2:5 hesabı ilə uduzan "Srvena Zvezda"nın yarımmüdafiəçisi Timi Elşnik maraqlı açıqlama ilə gündəmə gəlib.
Fanat.Az xəbər verir ki, sloveniyalı futbolçunun sözlərini jurnalist Migel Blaskes şəxsi "X" hesabı üzərindən belə çatdırıb:
"Barsa"nı təbrik etmək olar, çünki onların heyətində dünyanın ən yaxşı futbolçuları cəmləşib. Biz isə rəqabət aparmağa çalışırıq. Amma deyə bilərik ki, "Barselona"ya "Real" vurduğundan çox qol vurduq".
Xatırladaq ki, "Barselona" İspaniya La Liqasının 11-ci turu çərçivəsində baş tutan "el klasiko"da - oktyabrın 26-da Madriddə keçirilən görüşdə əzəli rəqibini 4:0 hesabı ilə üstələyib.
Nihat
