Trampı Nobel mükafatına namizəd göstərəcəyik.
İnterpress.az xəbər verir ki, bunu Belarus prezidenti Aleksandr Lukaşenko jurnalistlərə deyib. Lukaşenko bildirib ki, ABŞ-nin yeni seçilmiş prezidenti Donald Tramp Ukraynadakı münaqişə də daxil olmaqla müharibələrə son qoymağı bacararsa, ona Nobel Sülh Mükafatı verilməlidir.
“Tramp, əlbəttə ki, gücdür. Onun haqqında nə hiss etməyimdən asılı olmayaraq, ona əhsən. Onun qalib gələcəyinə inanmaq çətin idi. Atdılar, sıxdılar, həbsə atmaq istədilər və s., amma buldozer kimi keçdi. Ona görə də bu, onun Amerika xalqı adına şəxsi şücaətidir, bu baxımdan böyükdür. Kamala qəhrəman qadındır və onun ağlamağa ehtiyacı yoxdur. Bu gün baxdım və narahat oldum: o uduzdu”, – Belarus prezidenti qeyd edib.
Lukaşenko onu da qeyd edib ki, məğlubiyyətdən sonra demokratlar öz tərəfdarlarını etiraza çağırmayıblar və bu, onun fikrincə, müxalifət üçün dərs olmalıdır.
Xuraman Etibarlı
İnterpress.az
