“Real”ın baş məşqçisi Karlo Ançelotti “qaymaqlılar”ın mümkün yeni transferləri ilə bağlı suala möhtəşəm cavabı ilə diqqət çəkib.
Arena.az AS dərgisinə istinadən, italyan mütəxəssisin bu barədə cavabını təqdim edir:
“İndi vaxtı deyil. Transferlər haqqında düşünmək – indi əlimizdə olanı qiymətləndirməmək deməkdir. Bu barədə yaxın aylarda danışacağıq”, deyə Ançelotti hələ də komandasına güvəndiyini başa düşməyə əsas verib.
Xatırladaq ki, “Real” son oyunlarda uğursuz çıxışları mənzərəsində İspaniya nəhənginin təcili trasnferlər həyata keçirəcəyi haqda müxtəlif şayiələr peyda olub.
Hazırda “Real” çıxış etdiyi bütün yarışlarda – İspaniya La Liqası, İspaniya Kral Kuboku, İspaniya Super Kuboku və Çempionlar Liqasında mübarizəsini davam etdirir.
