Azərbaycan millisi 2024-cü ildə son iki oyununu keçirəcək.
İdman.biz baş məşqçi Fernandu Santuşun sərəncamında olan 24 futbolçunun göstəricilərini təqdim edir.
Hazırkı heyətdə ən təcrübəli Bədavi Hüseynovdur. Millidə 75 matç keçirən müdafiəçi Qəbələdə Estoniyaya qarşı görüşdə şans qazansa, Mahir Şükürova çatacaq. Sonuncu hazırda yığma tarixinin 6-cı ən çox oyun keçirən futbolçusudur.
Qəbələdəki görüş iki futbolçu üçün yubileylə də əlamətdar ola bilər. Anton Krivotsyuk 40-cı, Ozan Can Kökçü 10-cu qarşılaşmanın astanasındadır.
24 dəvətlidən 5-i debütünü gözləyir. Bunlar hələ millidə şans qazanmayan Aydın Bayramov, Zamiq Əliyev, Nicat Mehbalıyev, Səbuhi Abdullazadə və Mustafa Əhmədzadədir.
| futbolçu | oyun | qol |
| Bədavi Hüseynov | 75 | 1 |
| Ramil Şeydayev | 67 | 10 |
| Emin Mahmudov | 52 | 14 |
| Mahir Emreli | 50 | 6 |
| Anton Krivotsyuk | 39 | 1 |
| Bəhlul Mustafazadə | 31 | 1 |
| Toral Bayramov | 27 | 4 |
| Aleksey İsayev | 26 | 1 |
| Coşqun Diniyev | 26 | 0 |
| Abbas Hüseynov | 25 | 0 |
| Elvin Cəfərquliyev | 25 | 1 |
| Rahil Məmmədov | 21 | 0 |
| Musa Qurbanlı | 14 | 3 |
| Amin Seydiyev | 11 | 0 |
| Ozan Can Kökçü | 9 | 0 |
| Ceyhun Nuriyev | 8 | 0 |
| Xəyal Nəcəfov | 2 | 0 |
| Nəriman Axundzadə | 2 | 0 |
| Rza Cəfərov | 1 | 0 |
| Aydın Bayramov | 0 | 0 |
| Zamiq Əliyev | 0 | 0 |
| Nicat Mehbalıyev | 0 | 0 |
| Səbuhi Abdullazadə | 0 | 0 |
| Mustafa Əhmədzadə | 0 | 0 |
Qeyd edək ki, noyabrın 16-da keçiriləcək Azərbaycan – Estoniya oyunu Qəbələ şəhər stadionunda baş tutacaq.
Vüqar Xeyrullayev
İdman.biz
