Argentina çempionatında ardıcıl ikinci dəfə oyunların azı yarısında qalib müəyyənləşmədi. 19-cu turda 14 oyundan 9-da belə nəticə qeydə alınmışdısa, bu dəfə 7 matç heç-heçə sona çatdı. Liderlər qrupundakı üç komandanın “sülh”ə razılaşması diqqəti daha çox cəlb etdi. Nəticədə çempionluğa daha çox iddia edənlər arasındakı xal fərqi dəyişmədi.
Maraqlıdı ki, uzun müddətdi lider olan “Veles Sarsfild” ardıcıl üçüncü dəfə hesabına bir xal yaza bildi. Qustavo Kinterosun komandası üçün “Arxentinos Xuniors” ilə səfər matçının gedişində əlverişli vəziyyət yarandı: meydan sahiblərinin cinah müdafiəçisi Koronel fasilə ərəfəsində rəqibə qarşı aşkar kobudluq etdiyi üçün qarşısında birbaşa qırmızı vərəqə gördü. Liderin say üstünlüyündən istifadə edərək hesabı açmaq ehtimalı artdı. Amma “Veles” buna yalnız 90-cı dəqiqədə nail oldu. Bir neçə saniyə sonra “Arxentinos Xuniors”un yarımmüdafiəçisi Ferreyra da kobud hərəkətinin cəzasını qırmızı vərəqə almaqla çəkdi. Maraqlısı o oldu ki, ev sahibləri meydanda 9 nəfərlə qalandan sonra cavab qolunu vurmağı bacardılar. Beləliklə, son dəqiqələri dramatik alınan paytaxt derbisi 1:1 hesabı ilə nəticələndi. Lider növbəti xal itkisinə baxmayaraq, mövqeyini yenə qorudu.
Çünki tura liderdən 3 xal geri qalmaqla 2-ci yerdə başlayan“Atletiko Urakan” da iki xal itirdi. Frank Kudelkanın çalışdırdığı komanda “Ximnasiya” ilə ev oyununda üstün oyun sərgiləməsinə baxmayaraq, qapıya heç cür yol tapa bilmədi. Ardıcıl ikinci qolsuz “sülh” lider ilə əsas izləyicisi arasındakı 3 xallıq fərqi qorudu.
“Talyeres de Kordoba” isə ardıcıl dördüncü dəfə büdrədi. Kordobalılar bu dəfəevdə “Deportivo Riestra” ilə qolsuz heç-heçəyə razılaşdılar. Son 4 matçda yalnız 3 xal qazanması onların 3-cü yerdəki mövqeyindən bir pillə geriləməsinə səbəb oldu. Ona görə ki, “Union” evdə “Nyuellz Old Boyz”a 2:0 hesabı ilə qalib gəlməklə ilk “üçlüy”ə daxil oldu.
Nəhayət, “River Pleyt” 4 oyunluq qələbəsizliyə son qoydu. Ölkənin son çempionu “Banfild”ə 3:1 hesabıyla qalib gələrək üçoyunluq heç-heçə seriyasına da son qoydu. Marselo Qalyardonun komandası çoxdan gözlənilən qələbə ilə 9-cu yerdən 7-yə yüksəldi. “River” finişə 7 tur qalmış liderdən 9 xal geridədi. Bu fərq isə “milyonçular”ın titulu qorumaq ehtimalının az olduğunu göstərir.
“Boka Xuniors”dakı vəziyyət daha pisdi. Fernando Qaqonun baş məşqçi vəzifəsinə təyinatı hələ ki gözlənilən effekti vermir. Debüt oyununda “Tiqre”yə məğlubiyyətin (0:3) məyusluğunu yaşayan 38 yaşlı mütəxəssisin ikinci sınağı da qeyri-qənaətbəxş alınmışdı. Komanda “Deportivo Riestra” ilə ev oyunundan (1:1) sonra “Lanus”a minimal hesabla uduzdu. “Boka Xuniors” cədvəlin 17-ci pilləsinə yuvarlandı.
20-ci tur
Arxentinos Xuniors - Veles Sarsfild 1:1
Mesa, 90+4 – Laqos, 90.
Atletiko Urakan – Ximnasiya 0:0
Deportivo Riestra - Talyeres de Kordoba 0:0
Union - Nyuellz Old Boyz 2:0
Pitton, 8. Orsini, 58.
Rasinq - İnstituto 2:0
Kolombo, 8. Mura, 25.
Qodoy Krus - Atletiko Tukuman 1:1
N.Fernandes, 24 – Estiqarribia, 46.
River Pleyt - Banfild 3:1
Solari, 44; 46. Borxa, 90+7 - Qarate, 83-p.
Lanus - Boka Xuniors 1:0
Salvio, 79.
Estudiantes - İndependyente Rivadaviya 1:1
X.Sosa, 9-p. – Franko Romero, 37-p.
Sarmyento - İndependyente 0:0
Tiqre - Platense 0:0
Rosario Sentral - Barrakas Sentral 0:1
Bruera, 46.
Sentral Kordoba - San Lorenso 0:1
Serutti, 41.
Belqrano - Defensa y Xustisiya 1:2
Xara, 65Osorio, 49. Molinas, 86.
1. Veles Sarsfild 20 11 6 3 33-14 39
2. Atletiko Urakan 20 9 9 2 20-9 36
3. Union 20 9 6 5 23-18 33
4. Talyeres de Kordoba 20 8 9 3 24-20 33
5. Rasinq 20 9 4 7 28-20 31
6. Atletiko Tukuman 20 8 6 6 20-21 30
7. River Pleyt 20 7 9 4 24-14 30
8. İnstituto 20 8 5 7 25-19 29
9. Deportivo Riestra 20 8 5 7 22-22 29
10. Qodoy Krus 20 6 10 4 22-19 28
11. Estudiantes 20 7 7 6 23-21 28
12. Platense 20 7 7 6 17-16 28
13. İndependyente 20 5 12 3 16-13 27
14. Tiqre 20 6 8 6 25-23 26
15. Belqrano 20 6 8 6 23-23 26
16. Ximnasiya 20 6 7 7 19-19 25
17. Boka Xuniors 20 6 7 7 21-22 25
18. Rosario Sentral 20 6 6 8 22-20 24
19. İndependyente Rivadaviya 20 6 6 8 13-20 24
20. San Lorenso 20 6 6 8 16-18 24
21. Arxentinos Xuniors 20 6 5 9 16-20 23
22. Sentral Kordoba 20 6 5 9 22-27 23
23. Lanus 20 5 8 7 20-27 23
24. Sarmyento 20 4 9 7 15-20 21
25. Banfild 20 5 6 9 19-26 21
26. Nyuellz Old Boyz 20 5 6 9 13-24 21
27. Defensa y Xustisiya 20 4 7 9 17-29 19
28. Barrakas Sentral 20 3 7 10 10-24 16
Bombardirlər: B.Romero (Veles Sarsfild) – 11, Borxa (River Pleyt), X.Errera (Deportivo Riestra) – 9, M.Ximenes (Boka Xuniors), Xara (Belqrano), Pelleqrino (Platense) – 8.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
