Braziliyanın “Santos” klubu gələn mövsüm A seriyasında çıxış edəcək.
Fanat.Az xəbər verir ki, məşhur klub yenidən yüksək liqaya qayıdıb.
Bu, B seriyasının 36-cı turunda rəsmiləşib.
“Koritiba”nı 2:0 hesabı ilə məğlub edən “Santos” xallarının sayını 68-ə çatdırıb. Beləliklə, 5-ci pillədə qərarlaşan və 3 oyunu qalan “Seara”dan 11 xal uzaqlaşan komanda A seriyasına vəsiqəni təmin edib.
Qeyd edək ki, “Santos” ötən mövsüm B seriyasına yuvarlanmışdı.
