“Dedim və təkrar edirəm: olmayan yerdə spekulyasiya yaratmayın” – Klub prezidenti

“Santos”un prezidenti Marselo Teyşeyra hücumçu Neymarın Braziliya klubuna mümkün qayıdışı ilə bağlı yayılan məlumatlara münasibət bildirib.

Sportinfo.az “A Bola”-ya istinadən xəbər verir ki, klub rəhbəri hələ ki, Neymarın gəlişinin vaxtının çatmadığını deyib:

“Dedim və təkrar edirəm: olmayan yerdə spekulyasiya yaratmayın. Bizim yolumuz aydın və obyektivdir.

Neymarın atası və onun nümayəndələri yaxşı bilirlər, məni tanıyırlar, “Santos”u tanıyırlar.

Bunun hələ vaxtı deyil. Biz gözləmək məcburiyyətində qalacağıq”.

Neymar 2013-cü ilin yayında “Santos”u tərk etmişdi. Daha sonra braziliyalı forvard “Barselona”ya keçib.

Neymar tarixin ən bahalı futbolçusu olaraq qalır – 2017-ci ildə PSJ onun transferi üçün “Barsa”ya 222 milyon avro ödəyib.

Braziliyalı futbolçu hazırda Səudiyyə Ərəbistanının “Əl-Hilal” klubunda çıxış edir.

• Braziliya
• Neymar
• Santos
• Spekulyasiya
• Marselo Teyşeyra