Azərbaycanın UEFA Millətlər Liqasının C Divizionunda Estoniya ilə keçirəcəyi V tur oyununun hakim təyinatları açıqlanıb.
Sportinfo.az xəbər verir ki, Qəbələ şəhər stadionunda təşkil olunacaq görüşü Şotlandiyadan olan hakimlər briqadası idarə edəcək.
Matçın baş hakimi Con Biton olacaq. Bu referi daha əvvəl 4 dəfə "Qarabağ"ın avrokubok oyunlarını, bir dəfə Azərbaycanın U-19, bir dəfə isə U-21 yığmasının oyunlarına təyinat alıb.
O, sonuncu dəfə Ağdam klubunun Avropa Liqasının əsas mərhələsinin III turunda Bakıda "Ayaks"a 0:3 hesabı ilə uduzduğu matçda iş başında olub.
42 yaşlı referi həmin qarşılaşmada "Qarabağ"ın iki futbolçusuna - Julio Romao ilə Elvin Cəfərquliyevə qırmızı vərəqə göstərib.
Noyabrın 16-da Qəbələ şəhər stadionunda keçiriləcək qarşılaşma saat 18:00-da başlayacaq.
