ABŞ Dövlət Katibi Antoni Blinken və NATO Baş Katibi Mark Rutte bir araya gəldi. Blinken açıqlamasında, “Ukraynaya verdiyimiz dəstəyi davam etdirərək, Ukraynanın Rusiya təcavüzünə qarşı özünü effektiv şəkildə müdafiə edə bilməsini təmin edəcəyik” ifadələrini işlədib.
Busaat.az xarici mediaya istinadla xəbər verir ki, ABŞ Dövlət Katibi Antoni Blinken, Donald Trampın seçilməsi ilə nəticələnən prezident seçkilərinin ardından Brüsselə təşkil etdiyi rəsmi səfər çərçivəsində ilk görüşməsini NATO Baş Katibi Rutte ilə keçirib. Blinken və NATO Baş Katibi Mark Rutte jurnalistlərə verdikləri açıqlamalarda, ABŞ-da idarə dəyişiklikliyi öncəsi Ukraynaya dəstəyi davam etdirmə və müdafiə sənayesi istehsalını və bu sahədəki xərcləri artırma mövzusunda ortaq çağırış ediblər. Blinken, Ukraynaya dəstəyi gücləndirməyə vurğu edərək, “Həmçinin Ukraynaya verdiyimiz dəstəyi davam etdirərək, Ukraynanın Rusiya təcavüzünə qarşı özünü effektiv şəkildə müdafiə edə bilməsini təmin edəcəyik” deyib.
NATO-dan görüşə dair edilən açıqlamada, “ABŞ və NATO müttəfiqlərimiz Ukraynanın cəsur xalqını azadlıq, demokratiya və yaşamaq mübarizəsində dəstəkləmək üçün bir araya gəliblər. Dövlət Katibi Blinken, Ukraynanın qələbə qazanmasını və Putinin uğursuz olmasını, həmçinin NATO-nun əvvəlkindən daha güclü və birləşmiş qalmasını təmin etmək üçün yorulmadan çalışan İttifaqdakı hər bir lidere təşəkkür edib. Ukrayna, BMT Nizamnaməsinə uyğun ədalətli və qalıcı bir sülh əldə edənə qədər birlikdə çalışmağa davam edəcəyik” ifadələrinə yer verildi.
