Ötən gecə İranın Fars əyalətinin mərkəzi Şiraz şəhərinin Narınc bulvarında silahlı insident baş verib.
"Cebheinfo.az" "Alef.ir"-ə istinadən xəbər verir ki, hadisə ilə bağlı əyalətin polis komandanlığı məlumat yayıb.
Mənzillərdən birindən avtomat silahdan vətəndaşlata atəş açılıb və əl qumbarası atılıb. Polis və silahlı şəxs arasında iki saat davam edən atışmadan sonra şəxs öldürülüb.
Bildirilib ki, evdən bir ədəd "Klaşnikov" avtomatı, bir ədəd "Vinçester" markalı tüfəng, mərmi maqazinləri, bir qumbaraatan və 50 ədəd kustar üsulla hazırlanmış qumbara aşkar edilərək götürülüb. Öldürülən silahlı şəxsin 53 yaşlı olduğu bildirilsə də, onun kimliyi barədə məlumat verilməyib.
"Cebheinfo.az"
