"Real Madrid" "Sportinq"in üç müdafiəçisini heyətinə qata bilər.
90deqiqe.Az-ın “Record”a istinadən məlumatına görə, Madrid klubu qış transfer pəncərəsində Lissabon təmsilçisinin futbolçuları Qonçalo İnasio, Ousman Diomande və Zeno Debasteni transfer etməyi planlaşdırır. Tərəflər arasında artıq danışıqlara da başlanılıb.
“Real Madrid” mərkəz müdafiəçisi Eder Militao çarpaz bağlarını zədələdikdən və bu mövsümün sonuna qədər sıradan çıxdıqdan sonra müdafiə xəttini gücləndirmək istəyir.
23 yaşlı İnasio və 20 yaşlı Diomandenin "Sportinq"lə müqaviləsi 2027-ci ilin yayına kimi imzalanıb. 21 yaşlı Debastın əmək müqaviləsi 2029-cu ilin yayına qədər davam edir.
İspaniya Primerasının 12 oyunundan sonra Madrid klubu 27 xal toplayıb və hazırda ikinci pillədə qərarlaşıb.
