Noyabrın 13-də ABŞ-ın seçilmiş prezidenti Ədliyyə Departamentinin (ədliyyə naziri) rəhbəri vəzifəsinə konqresmen Metyu Qeytsin namizədliyini irəli sürüb.
HİT.az onun tərcümeyi-halından maraqlı məqamları təqdim edir:
Metyu Qeyts 7 may 1982-ci ildə Hollivudda (Florida, ABŞ) anadan olub. 2003-cü ildə Florida Dövlət Universitetində fənlərarası elmlər üzrə bakalavr dərəcəsi və 2007-ci ildə William & Mary Hüquq Məktəbindən Hüquq Doktoru dərəcəsi alıb.
6 fevral 2008-ci ildə Florida Barına qəbul edilib. "Keefe", "Anchors & Gordon" hüquq firmasında işləyib. 2010-cu ildə Florida Nümayəndələr Palatasına namizədliyini irəli sürüb. O, 66 faiz səslə seçkilərdə qalib gəlib. 2012 və 2014-cü illərdə yenidən seçilib. 2016-cı ildə o, ABŞ Senatına namizədliyini irəli sürməyi planlaşdırmışdı, lakin namizədliyini geri götürərək Nümayəndələr Palatasına namizədliyini irəli sürmüşdü. Həmin ilin noyabrında o, 69,1% səslə seçkilərdə qalib gələrək ABŞ Konqresinin aşağı palatasının üzvü olub.
2018-ci ildə Florida qubernatoru üçün kampaniyası zamanı Ron DeSantisin baş məsləhətçisi vəzifəsində çalışıb. Həmin ilin may ayında o, Donald Trampın Nobel Sülh Mükafatına namizədliyinə səs verib. 2021 və 2023-cü illərdə o, ABŞ prezidenti Co Baydenin impiçmentlərinin həmmüəllifi olub.
2023-cü ilin fevralında o, digər on konqresmenlə birlikdə Ukraynaya yardımın dayandırılmasını tələb edən və sülh razılaşmasına çağıran qətnamə layihəsini təqdim edib. Həmin ilin oktyabrında o, hökumətin büdcəsi məsələsində demokratlarla güzəştə getdiyi zaman Nümayəndələr Palatasının sədri Kevin Makkartini vəzifədən kənarlaşdırmaq üçün qərar verib. 2024-cü ilin aprelində o, Ukraynaya 60 milyard dollar məbləğində hərbi yardımın ayrılmasının əleyhinə səs verib.
2008-ci ildə o, sərxoş halda avtomobil idarə etdiyinə görə həbs edilib. Lakin sonradan ittihamlar götürülüb. 2020-ci ildə Qeyts seks alverinə görə istintaqa cəlb edilib. 2023-cü ilin fevralında Ədliyyə Departamenti konqresmenə qarşı ittiham irəli sürməyəcəyini açıqlayıb. 2021-ci ilin oktyabrında rüsumları ödəmədiyi üçün vəkillik fəaliyyətindən uzaqlaşdırılıb. Sonradan bərpa edildi. Ağ Evin keçmiş köməkçisi Kassidi Hutçinson öz xatirələrində Qeytsi cinsi təcavüzdə ittiham edib.
Nümayəndələr Palatasının Silahlı Qüvvələr, Büdcə və Məhkəmə Komitələrində xidmət edir.
Samir
