“Barselona”nın idman direktoru Deku açıqlama verib.
Futbolpress.az xəbər verir ki, funksioner norveçli hücumçu Erlinq Haaland və isveçli forvard Viktor Qyökereşin transfer gündəmlərində olmadığını deyib:
“Hazırda dünyada Levandovski kimi bir-iki hücumçu var. Onlardan biri də Erlinq Haalanddır. Eyni zamanda Viktor Qyökereş də çox yaxşı formadadır, qollar vurur. Ancaq bu oyunçular gündəmimizdə deyil. Levandovskidən razıyıq və hansısa hücumçu ilə danışıqlar aparmırıq”.
Levandovski bu mövsüm La Liqada 13 oyunda 14 qol vurub.
