Avroliqada 10-cu turun oyunlarına start verilib.
Futbolinfo.az xəbər verir ki, gecənin əsas sensasiyası Madriddə baş verib.
İki gün əvvəl “Baskoniya”nı səfərdə məğlub edən “Anadolu Efes” bu dəfə də “Real”a qalib gəlib – 64:74. Oyunun əvvəlindən böyük üstünlük əldə edən qonaqlar bəzi məqamlarda 27 xal üstün olublar. Sona yaxın “Real” rəqibini haqlamağa yaxın olsa da, məğlubiyyətdən qurtula bilməyib.
Almaniya derbisində “Bayern” evdə “Alba”nı məğlub edib. “Baskoniya” bu dəfə “Monako”ya uduzub – 75:87.
Daha bir gözlənilməz nəticə Fransada qeydə alınıb. ASVEL mövsümdə 3-cü qələbəsini qazanıb. Fransızlar “Srvena Zvezda”nı məğlub ediblər – 77:74.
İsrailin “Makkabi” komandası çempionatın ən güclü komandalarından biri “Olimpiakos”la bacarmayıb – 91:94.
