Diyarbekirdə qətlə yetirilən 8 yaşlı Narin Güranın cinayət işi üzrə məhkəmə prosesi başlayıb. Gecə yarısına qədər davam edən dinləmələrdən sonra məhkəmə dekabrın 26-dək dayandırılıb.
Narin qətli ilə bağlı məhkəmə son sözünü deməyib və indi bu məsələ ailənin və onların vəkillərinin ictimai rəy yaratmaq səyi ilə gündəmdədir.
News24.az xəbər verir ki, bir müddət səssiz qalan Narinin atası Arif Güran və qardaşı Baran Güran ilk iclasdan əvvəl qəfildən mətbuata açıqlamalar və sosial şəbəkələrdə paylaşımlar etməyə başlayıblar.
Ailənin vəkilləri, nəhayət, iş sənədlərində yer alan, lakin nəticə çıxarmayan hərbi bazanın görüntülərini paylaşaraq, ittiham aktına qarşı hərəkətə keçiblər.
Narinin atası və qardaşı, saxlanılan müttəhimlər əmisi Səlim Güran, anası Yüksel Güran və böyük qardaşı Enes Güran günahsız olduqlarına əmindirlər və onların dediyinə görə, Narinin cansız cəsədini İleritutmaz dərəsində basdıran yeganə qatil Nevzat Bəhtiyardır.
İclasdan əvvəl məhbus Enes Güranla görüşü üzə çıxan ata və oğlu gülərək və rahat söhbət edib, hətta telefonla çox zəng etdiyi üçün əsəbiləşiblər. Lakin Enes Güran dinləmələrdə ona işgəncə verildiyini iddia edib. Görüntülərə görə, Enes Güran son dərəcə sağlam və şəndir. Ata Arif Güran da deyəsən Narinin dərdindən əl çəkib. Hətta anasının ona həftədə bir dəfə zəng etdiyini xatırladaraq, oğluna onlara çox zəng etməməyi tövsiyə edirlər.
Onu da qeyd edək ki, 8 nəfərdən ibarət vəkil ordusunu işə götürən Güran ailəsi bir tərəfdən medianı günahlandırıb, davamlı olaraq televiziyada açıqlamalar verib, sosial şəbəkələrdə paylaşımlar edib, sonda bütün ittihamnaməni təkzib etməyə fokuslanıb.
8 yaşlı Narinin qatilinin və ya qatillərinin tapılmasını gözləyən camaatda tam çaşqınlıq yaşamağa başlayıb.
Günel Məlikzadə
