AliExpress malların Rusiyaya çatdırılma müddətini azaltmağa müvəffəq olub - Çin bazarı demək olar ki, bütün sifarişləri təyyarə ilə göndərməyə başlayıb. Bu barədə Rusiya mətbuatı yazıb.
Aliexpress-in mətbuat xidməti bildirib ki, "İri ölçülü mallar və hava nəqliyyatı ilə daşınması qadağan olunmuş mallar, habelə satıcının öz çatdırılması ilə sifarişlər istisna olmaqla, on sifarişdən doqquzu birbaşa Rusiyaya təyyarə ilə göndərilir”.
Oktyabrın sonunda Çin bazarından Rusiyaya sifarişlərin çatdırılma müddəti 14 günə endirilib.
Son sorğulardan birinə görə, rusların 65%-i AliExpress vasitəsilə Çindən mal alır.
Son iki ildə rusların 34%-i Çin mallarına müsbət münasibət bəsləyib.
Rusiya Federasiyasından olan alıcıların fikrincə, Çindən gələn malların ən keyfiyyətli kateqoriyaları "Elektronika və aksesuarlar”, "Məişət malları”, "Geyim və ayaqqabı”dır. Eyni zamanda, rusların yalnız 11%-i Çindən gələn malların keyfiyyətsizliyindən şikayətlənib.
Aytac
www.anews.az
