Amerikalı milyarder İlon Maskın sahibi olduğu X sosial mediasını tərk edənlərin sayı günü gündən artır.
Mia.az xarici mətbuata istinadla xəbər verir ki, Böyük Britaniyanın məşhur "The Guardian" qəzeti də noyabrın 13-dən etibarən X hesabından xəbərləri paylaşmağı dayandırıb.
Qəzetdən bildirilib ki, 10.7 milyon izləyiciləri olmasına baxmayaraq, bu sosial medai platformasındakı səhifələrini birdəfəlik qapadacaqlar: "Çünkiki bu platformanın xeyrindən daha çox zərəri var. üstəlik, burada irqçilik və insan şəxsiyyətlərinə sui-qəsd halları artıb, normal müzakirələr məhdudlaşdırılıb".
Maraqlıdır ki, qəzetini qısa izahatının mürəkkəbi qurumamış İlon Mask bu qərarı aşağılayan fikir səsləndirb: "Onların X-də olub-olmamasının heç bir əhəmiyyəti yoxdur".
Bu arada CNN televiziyasının məşhur aparıcı Don Lemon da X-i tərk edib: "Bir vaxtlar X açıq müzakirə üçün əla platforma idi, indisə elə deyil..."
Samir Musayev
MİA.AZ
