İngiltərə Milli Statistika Bürosunun (ONS) məlumatlarına əsasən, ölkə iqtisadiyyatı ilin üçüncü rübündə əvvəlki rüblə müqayisədə cəmi 0,1% artım göstərib.
Fin.az xəbər verir ki, sektoral göstəricilərdə xidmət sektoru 0,1%, tikinti sektoru isə daha yüksək, 0,8% artım nümayiş etdirib. Buna qarşılıq, emal sənayesi 0,2% azalma ilə iqtisadi artıma mənfi təsir edib.
İllik bazda isə İngiltərə iqtisadiyyatının artımı 1% səviyyəsində ölçülüb. Sentyabr ayında isə iqtisadiyyat aylıq bazda 0,1% daralma yaşayıb.
ONS-nin İqtisadi Statistika Direktoru Liz McKeown, rüb üzrə yavaşlamanın davam etdiyini vurğulayaraq, "Sentyabr ayında iqtisadiyyat bir qədər daraldı və xidmət sektoru bu dövrdə heç bir artım göstərmədi," deyə qeyd edib.
İngiltərə iqtisadiyyatındakı bu yavaş artım, qlobal iqtisadi şərtlər və daxili problemlərlə əlaqələndirilir.
Zemfira Ms
Fin.az
