Türkiyədən Bolqarıstana gedən mikroavtobusda 43 min avro dəyərində gümüş zinət əşyaları tapılıb.
Bolqarıstanın Kapitan Andrevo polis bölməsinin gömrükçüləri Türkiyədən ölkəyə daxil olan sərnişin mikroavtobusuna baxış keçirərkən 10 kiloqramdan artıq qaçaqmalçılıq yolu ilə gümüş zinət əşyaları götürüblər.
News24.az xəbər verir ki, Ukraynaya gedən mikroavtobusda sürücü və 7 sərnişinlə birlikdə bütün sərnişinlər bəyan edilməli malları daşımadıqlarını bildiriblər.
Eyni zamanda, Ukrayna vətəndaşının şəxsi baqajından içərisində 2349 ağ metal məmulat olan 25 ədəd polietilen torba aşkar edilib.
Üzük, medalyon, bilərzik, boyunbağı, zəncir və sırğa kimi əşyalar sərnişinin çantasında, çamadandakı paltarların arasında və alış-veriş çantasının dibində gizlədilib. Ekspertizanın rəyinə əsasən, qaçaqmalçılıq yolu ilə ümumi çəkisi 10 kilo 346 qram olan gümüş əşyalar götürülüb.
Günel Məlikzadə
