Biomüxtəliflik itkisini azaltmadan iqlim hədəflərinə nail olmaq mümkün deyil.
“Report” xəbər verir ki, bunu BMT-nin Avropa İqtisadi Komissiyasının icraçı katibi Tatyana Molçan COP29 çərçivəsində keçirilən “Yaşıl rəqəmsal fəaliyyət” üzrə yüksək səviyyəli dəyirmi masada çıxışı zamanı deyib.
“Bu prosesdə rəqəmsal texnologiyalar müstəsna əhəmiyyət kəsb edir. Onlar biomüxtəliflik itkisini azaltmaq üçün idarəetməni gücləndirə, məlumatların daha sürətli paylaşılmasını və biliklərin yayılmasını təmin edə bilər. Rəqəmsal transformasiya bu istiqamətdə daim diqqətdə saxlamalı olduğumuz mühüm vasitədir”, - deyə o qeyd edib.
T.Molçan, həmçinin, "Yaşıl Rəqəmsal Bəyannamə"ni yüksək qiymətləndirərək, dayanıqlı inkişafın təmin olunmasında beynəlxalq əməkdaşlıq və birgə fəaliyyətin zəruriliyini vurğulayıb.
