Noyabrın 16-da Suraxanı Rayon İcra Hakimiyyətinin təşkilatçılığı ilə “Bakıxanov Mall” ticarət və əyləncə mərkəzində şəhid övladları üçün tətil ərəfəsində əyləncəli gün təşkil edilib.
“Qafqazinfo” xəbər verir ki, ölkəmizin ərazi bütövlüyünün müdafiəsi uğrunda şəhid olmuş qəhrəmanlarımızın övladlarının əyləncəli və yaddaqalan bir gün keçirməsi məqsədilə təşkil olunan görüşə Rayon İcra Hakimiyyətinin başçısı Adil Əliyev də qatılıb.
RİH başçısı maraqlı oyunlarla və əyləncə dolu atraksionlarda dincələn balacalarla vaxt keçirərək, onların istirahətinə rəng qatıb.
Şəhidlərimizin bizlərə əmanət qoyduqları övladları və ailə üzvləri ilə xoş anlar keçirən A.Əliyev bildirib ki, düşmən qarşısında mərdliklə dayanıb, Vətənimizi, torpaqlarımızı azad edərkən şəhid olan igid oğullarımızın övladlarını öz balalarımız kimi sinəmizə çəkmək, onların qayğısına qalmaq hər bir azərbaycanlının borcudur.
