Ümumdünya Səhiyyə Təşkilatının (ÜST) baş direktoru Tedros Adhanom Qebreyesus İsrail ordusunun Livanın şərqindəki Baalbek bölgəsindəki Mülki Müdafiə Mərkəzinə etdiyi hücumu pisləyib. T.A. Qebreyesus bu barədə rəsmi "X" internet səhifəsində paylaşım edərək bildirib ki, Baalbek bölgəsindəki Livan Mülki Müdafiə Mərkəzinə edilən və azı 12 tibb işçisinin həyatını itirməsinə səbəb olan hücumu pisləyirik. Mərkəzə ciddi ziyan dəyib.
Livan Səhiyyə Nazirliyinin yaydığı bəyanatda isə bu ifadələrə yer verilib: “Beynəlxalq ictimaiyyət bu pozuntulara son qoymalıdır''.
