"Nicatın son filminə bu tərzdə şərhlər yazılıb. Bəli, bizim də övladımız 6 ildən sonra dünyaya gəlib. Bəli, hər ikimiz az həyəcan keçirmədik. Bir o qədər də şükür etdik". Axşam.az-ın məlumatına görə, bu sözləri aktyor Nicat Rəhimovun xanımı Ülviyyə Rəhimova sosial media hesabında yazıb. O, aktyorun yeni "Bir şey-mir şey var?" filminə yazılan şərhlərə belə reaksiya verib:
"Amma nə xoş halımıza ki, nə mənim, nə də Nicatın ailəsi tərəfindən heç bir basqı ilə qarşılaşmadıq. Çünki ilk növbədə buna biz şərait yaratmadıq. İkinci növbədə isə öz övladını sevən valideyn heç bir zaman onun ürəyini heç bir mövzu ilə bağlı sıxmaz. Hər seçiminə hörmətlə yanaşar. Çox təəssüf ki, hələ də ailənin "ailə" olmasının mənasını övladda görənlər var. İki nəfərin münasibəti keyfiyyətsizdirsə, onların 5 övlad da xoşbəxt etməz".
Qeyd edək ki, cütlüyün bu il Mehriban adlı bir qızı dünyaya gəlib.
