Azərbaycanın həndbol üzrə qadınlardan ibarət “Qarabağ” komandası bu gün növbəti avrokubok oyununu keçirib.
Arena.az xəbər verir ki, təmsilçimiz Avropa kubokunun 3-cü mərhələsinin cavab matçına çıxıb.
Azərbaycan klubu Ukrayna təmsilçisi “Qaliçanka”nı qəbul edib. “Kür” Olimpiya İdman-Tədris Mərkəzində baş tutan matç rəqibin üstünlüyü ilə keçib. Fasiləyə 8 xal fərqi ilə üstün yollanan ukraynalılar ikinci hissədə daha yaxşı çıxış ediblər. Təmsilçimiz yekunda 19:34 hesabı ilə uduzub.
Xatırladaq ki, bir gün əvvəl eyni məkanda keçirilən görüşdə də Ukrayna klubu 33:20 hesabına sevinib.
Avropa kuboku
3-cü mərhələnin cavab oyunu
17 noyabr
“Qarabağ” (Azərbaycan) – “Qaliçanka” (Ukrayna) 19:34 (6:14)
“Kür” Olimpiya İdman-Tədris Mərkəzi.
İlk oyun – 20:33.
