Melburn Neyroelm İnstitutunun və Stenford Universitetinin alimləri müəyyən ediblər ki, gündə dörd saatdan çox qulaqcıqdan müntəzəm istifadə beyin fəaliyyətində geri dönməz dəyişikliklərə gətirib çıxarır.
News24.az Publika.az-a istinadla xəbər verir ki, araşdırmanın nəticələri "The Lancet"də dərc olunub.
Tədqiqatda 18-35 yaş arası 1800 könüllü iştirak edib. Alimlər könüllülərdən qulaqlıqda nə qədər tez-tez musiqi dinlədiklərini söyləmələrini xahiş ediblər. Məlumat toplandıqdan sonra subyektlər sağlamlıq vəziyyətləri ilə bağlı anketlər doldurublar.
Məlum olub ki, uzun müddət (gündə dörd saatdan çox) qulaqlıq taxmaq konsentrasiyanın azalmasına və narahatlığın artmasına səbəb olub.
Həmçinin, qulaqcıqlarından ayrılmayan iştirakçılar gecə yuxusunun keyfiyyətinin aşağı düşdüyünü bildiriblər.
Alimlər izah ediblər ki, daimi səs stimulyasiyası beyində təbii məlumatların emal proseslərini pozur. Tədqiqatçıların fikrincə, bəzi hallarda idrak funksiyasındakı dəyişikliklər geri dönməz ola bilər.
