Bu gün futbol üzrə UEFA Millətlər Liqasında 2024-2025-ci illər mövsümünün qrup mərhələsinin 6-cı turuna start verilib.
Arena.az xəbər verir ki, sonuncu turun ilk oyun günündə 8 oyun təşkil edilib.
Beləliklə, 16 yığma qrup mərhələsində son matçlarına çıxıb.
Günün mərkəzi oyunu A Liqasında İtaliya ilə Fransa arasında baş tutub. Səfərdə inamlı qələbəyə sevinən Fransa yığması qələbə sayəsində qrup birinciliyini ələ keçirib. Qrupun digər oyunu İsrail və Belçika yığmaları arasında keçirilib. Belçika yığması ardıcıl üçüncü məğlubiyyətini alıb və qrup mərhələsini 3-cü sırada bitirib. İsrail isə sonuncu olub.
B Liqasında qrup liderliyi uğrunda İngiltərə İrlandiyanı qonaq edib və 5 cavabsız qol sayəsində istəyinə çatıb. Finlandiya yığmasına səfərdə qalib gələn Yunanıstan seçməsi də 15 xal toplamasına baxmayaraq, ikinci yerlə kifayətlənib. İrlandiya üçüncü, Finlandiya sonuncu yeri tutub.
Norveç yığması doğma meydanda Qazaxıstan millisini 5 cavabsız qolla yenərək qrup birincisi olub. Son turda xal itirən Avstriya yığması isə ikinci yerlə kifayətlənib. Slovaniya üçüncü, Qazaxıstan sonuncu olub.
Qeyd edək ki, UEFA Millətlər Liqasında qrup mərhələsinin 6-cı turuna noyabrın 19-da yekun vurulacaq. Azərbaycan millisi də qrup mərhələsinin sonuncu günündə İsveç yığmasının qonağı olacaq.
UEFA Millətlər Liqası
Qrup mərhələsi, 6-cı tur
17 noyabr
A Liqası, 2-ci qrup
İtaliya – Fransa 1:3
Qollar: Kambyazo, 35 – Rabyö, 2; 65. Vikario, 33-öz qapısına.
İsrail – Belçika 1:0
Qol: Şua, 86.
Xallar: Fransa – 13. İtaliya – 13. Belçika – 4. İsrail – 4.
B Liqası, 2-ci qrup
İngiltərə – İrlandiya 5:0
Qollar: Keyn, 53-pen. Qordon, 56. Qallaxer, 58. Bouen, 76. Harvud-Bellis, 79.
Finlandiya – Yunanıstan 0:2
Qollar: Bakasetas, 52. Tsolis, 56.
Xallar: İngiltərə – 15. Yunanıstan – 15. İrlandiya – 6. Finlandiya – 0.
B Liqası, 3-cü qrup
Norveç – Qazaxıstan 5:0
Qollar: Haland, 23; 37; 71. Sörlot, 41. Nusa, 76.
Avstriya – Sloveniya 1:1
Qollar: Şmid, 27 – Çerin, 81.
Xallar: Norveç – 13. Avstriya – 11. Sloveniya – 8. Qazaxıstan – 1.
C Liqası, 4-cü qrup
Latviya – Ermənistan 1:2
Qollar: Uldrikis, 70 – Spertsyan, 48. Miranyan, 74.
Şimali Makedoniya – Farer adaları 1:0
Qol: Miovski, 62.
Xallar: Şimali Makedoniya – 16. Ermənistan – 7. Farer adaları – 6. Latviya – 4.
