Braziliyanın birinci xanımı, Janja Lula da Silva, G20 sammiti çərçivəsində keçirilən sosial tədbirdə çıxışı zamanı milyarder Elon Maskı ağır təhqir edib. O, sosial medianın dezinformasiyaya qarşı tənzimlənməsinin vacibliyindən danışarkən, gəmi siqnalının səsini eşidib zarafatla “Düşünürəm ki, bu, Elon Maskdır” deyib və əlavə edib: “Səndən qorxmuram, si...r, Elon Mask.”
Musavat.com bildirir ki, Elon Mask isə bu çıxışa “X” sosial şəbəkəsində gülüş emojisi ilə cavab verib və əlavə edib: “Onlar növbəti seçkilərdə uduzacaqlar.”
Qeyd edək ki, Maskın sahibi olduğu “X” sosial şəbəkəsi bu ilin əvvəlində Braziliyada bir ay müddətinə dayandırılmışdı. Buna səbəb, platformanın ölkədə qanuni tələblərə əməl etməməsi və saxta xəbərlər və nifrət mesajları yayan hesabları bloklamaması idi.
Musavat.com
