Fransa prezidenti Emmanuel Makron G20 Liderlər Sammitindən əvvəl Argentinaya səfər edib və Argentina Prezidenti Xavyer Miley ilə görüşüb.
"Operativ Media" xəbər verir ki, dövlət başçıları Avropa İttifaqı (Aİ) Komissiyasının Argentina, Braziliya, Paraqvay və Uruqvayın üzv olduğu Cənubi Amerika Ortaq Bazarı (MERCOSUR) arasında mövcud olan ticarət müqaviləsini imzalamayacağını bildirib.
Makronun Argentinaya səfəri çərçivəsində argentinalı iş adamları ilə görüş keçirdiyi və iki ölkənin əməkdaşlığını gücləndirəcək sərmayə çərçivəsinin müəyyən edilməsi lazım olduğu bildirilib.
Daha sonra Fransa prezidenti Emmanuel Makron G20 Liderlər Sammitində iştirak etmək üçün Braziliyaya səfər edib.
