“Yaşıl iqtisadiyyata keçid məhz hökumət səviyyəsində tətbiq edilməlidir”.
Yenicag.az xəbər verir ki, bunu COP29-da çıxış edən əmək və əhalinin sosial müdafiəsi naziri Sahil Babayev deyib.
Onun sözlərinə görə, yaşıl iqtisadiyyata keçidlə bağlı maliyyə artıb.
“Eyni zamanda, bu sahədə layihələr də artıb. Nəzərə almaq lazımdır ki, yaşıl iqtisadiyyata keçid məhz hökumət səviyyəsində tətbiq edilməli, universitetlərdə və məktəblərdə bu sahədə inkişafla bağlı təbliğat-təşviqat işləri aparılmalı, onlara iqlim dəyişikliyi ilə bağlı düzgün məlumatlar verilməlidir. Çünki gələcəyin innovatorları və sahibkarları məhz formalaşan yeni gənclikdir”, – deyə o bildirib.
Nəsimi Ələsgərli
