“İyirmilik Qrupu”nun (G20) liderləri Braziliyada keçirilən sammitin yekun bəyannaməsindən irəli gələn Ukraynadakı münaqişənin həlli ilə bağlı istənilən müvafiq və konstruktiv təşəbbüsləri bəyənirlər...
Poliqon xəbər verir ki, yekun bəyannaməyə görə böhran enerji və ərzaq təhlükəsizliyinə, eləcə də qlobal təchizat zəncirlərinə mənfi təsir göstərib.
“Biz xalqlar arasında dinc, dostluq və mehriban qonşuluq münasibətlərini təşviq etmək üçün BMT Nizamnaməsinin bütün məqsəd və prinsiplərinə uyğun olaraq hərtərəfli, ədalətli və davamlı sülhün dəstəklənməsinə yönəlmiş bütün müvafiq və konstruktiv təşəbbüsləri alqışlayırıq”, deyə sənəddə deyilir.
Bundan əlavə, dövlət başçıları münaqişənin yaratdığı “insan əzablarına” diqqət çəkib, həmçinin nüvə silahından azad dünyanın formalaşması üçün çıxış ediblər.
Qeyd edək ki, G20 sammiti noyabrın 18-19-da Rio-de-Janeyroda keçirilib.
Poliqon.info
