Livan və Hizbullah ABŞ-ın İsraillə atəşkəs təklifi ilə razılaşıb. Livan parlamenti sədrinin köməkçisi Əli Həsən Xəlil bildirib ki, bazar ertəsi Livan ABŞ-ın Livandakı səfirinə yazılı cavab göndərib. Bu arada Ağ Evin xüsusi nümayəndəsi Amos Hokşteyn danışıqları davam etdirmək üçün Beyruta gedir. Hizbullah da öz növbəsində atəşkəslə bağlı danışıqlarda çoxdankı müttəfiqi Livan parlamentinin sədri Nəbih Berrini dəstəkləyib.
"Livan sənədlə bağlı öz şərhlərini müsbət atmosferdə təqdim etdi. Bizim təqdim etdiyimiz bütün şərhlər 1701 saylı qətnamənin bütün müddəaları ilə ciddi şəkildə uyğunluğunu təsdiqləyir", - Xəlil bildirib.
Sənəddə 2006-cı ildə Hizbullah və İsrail arasında əvvəlki müharibəyə son qoyan BMT Təhlükəsizlik Şurasının 1701 saylı qətnaməsinin icrası nəzərdə tutulur.
Sənədin şərtləri Hizbullahın Livan-İsrail sərhədi ilə sərhəddən təxminən 30 kilometr şimalda axan Litani çayı arasındakı ərazidə silahlı mövcudluğunu tələb edir.
Xəlil deyib ki, təşəbbüsün uğuru indi İsraildən asılıdır. O əlavə edib ki, İsrail tərəfi həlli istəməsə, “100 problem yarada bilər”.
Oxuməni.az
