Rizənin Çayeli bölgəsində baş verən sürüşmədə torpaq kütlələri yamacdan qoparaq binanın birinci mərtəbəsindəki mənzilləri doldurub.
Turkustan.az xəbər verir ki, sürüşmə nəticəsində 1 nəfər ölüb, 4 nəfər yaralanıb. Binaların sakinləri qruplar tərəfindən təxliyyə edilib. Çayeli Bələdiyyə Başçısı İsmail Hakkı Çiftçi bildirib ki, bu yaxınlarda baş verən 4,7 bal gücündə zəlzələ torpağı hərəkətə gətirdi. Sürüşmə nəticəsində zərər görən binada yaşayan vətəndaşlar Yanğından Mühafizə Xidmətinin qrupları tərəfindən təxliyə edilib.
Alınan məlumata görə, səhər saat 05.30 radələrində yağan güclü yağış nəticəsində Eskipazar bölgəsində yan-yana yerləşən 7 mərtəbəli yaşayış binalarının arxa hissəsindəki istinad divarı uçub. Uçmuş istinad divarı mənzilə ziyan vuraraq, 1-ci mərtəbədə ailəsi ilə birlikdə yaşayan Yakup Bayraktarın (35) yerləşdiyi mənzilə daxil olub. Qırılmış divarın və torpağın altında qalan Bayraktar evində həyatını itirərkən, ailəsindən 2 nəfər də yaralanıb.
Aytən Yaşar/ Turkustan.az
