Usta-rejissor Ridley Skottun çəkdiyi “Gladiator 2” filmi beynəlxalq kassada möhkəm bir başlanğıc edib.
Hafta.az-ın “Variety”a istinadən yazdığına görə, maraqla gözlənilən tarixi dram 63 bazardan 87 milyon dollar qazanıb. Bu ümumi göstərici rejissorun beynəlxalq arenada ən yaxşı başlanğıcını göstərir.
Skottun 2000-ci ilin Ən Yaxşı Filmi Oskar qazanan dram “Gladiator”un davamı güclü debüt edib və kassadakı iddiasını daha çox isbatlayıb.
Əfsanəvi rejissor ulduz aktyorun "bacarmıram" dediyi andan danışıb.
86 yaşlı Skottun hazırda ən çox gəlir gətirən filmləri arasında dünya üzrə 630 milyon dollar qazanan "Marslı", 465 milyon dollarla epik epik “Gladiator” və 403 milyon dollarla 2012-ci ildə "Yadplanetlilər" franşizasından “Prometey” filmi var.
“Gladiator 2” də Imax-da 453 kinoteatrdan 7 milyon dollar qazana bilib.
Noyabrın 13-də dünya premyerası olan film eyni gündə Cənubi Koreya, Belçika və Fransada nümayiş etdirilib. Ertəsi gün bəzi ölkələrdə, o cümlədən Avstraliya, Almaniya, İtaliya və Yeni Zelandiyada, noyabrın 15-də isə Böyük Britaniya və Türkiyədə buraxılıb. “Gladiator 2” noyabrın 22-də Kanada və ABŞ-da nümayiş olunacaq.
“Gladiator 2” Böyük Britaniyada 11,4 milyon dollar, Fransada 10,3 milyon dollar, İspaniyada 5,6 milyon dollar, Meksikada 4,7 milyon dollar, Almaniyada 4,3 milyon dollar, İtaliyada 3,8 milyon dollar, Cənubi Koreyada 3,2 milyon dollar və Braziliyada 3 milyon dollar gəlir əldə edib.
“Screen Rant” yazır ki, tənqidçilərdən daha çox müsbət rəylər alan film Skottun ən böyük hitlərindən biri ola bilər.
İlk filmdəki hadisələrdən 16 il sonra keçən "Gladiator 2" Romanın keçmiş imperatoru Markus Avrelinin nəvəsi Lusiusu izləyir. Lusius rolunu 2022-ci ildə “Aftersun” filmi ilə Ən Yaxşı Aktyor nominasiyasında ilk Oskar nominasiyasını alan Pol Meskal oynayır. BBC-nin mükafatlı "Normal İnsanlar" dramında debüt edən 28 yaşlı aktyoru Denzel Vaşinqton, Pedro Paskal, Konni Nilsen, Cozef Quinn və Fred Heçinger müşayiət edir.
