Müqavilə ilə "Napoli"yə məxsus olan, hazırda icarə əsasında "Qalatasaray"ın formasını geyinən Viktor Osimhen karyerasını İngiltərə nəhəngində davam etdirə bilər.
Fanat.Az xəbər verir ki, məlumatı "Calcio Napoli 24" yayıb.
Xəbərə görə, Osimhenin xidmətində "Mançester Yunayted" maraqlıdır. Mənbə "qırmızı şeytanlar"ın bu keçid üçün Neapol təmsilçisinə 30 milyon avro və hücumçusu Coşua Zirkzeeni verməyə hazır olduğunu bildirib. Osimhenin A Seriyası təmsilçisi ilə müqaviləsindəki sərbəstqalma məbləğinin 75 milyon avro olduğu xatırladılıb və "Napoli"nin oyunçu dəyişmək variantını istəmədiyi vurğulanıb. Danışıqların davam etdiriləcəyi və tərəflərin ortaq məxrəcə gəlməyə çalışacaqları açıqlanıb.
Qeyd edək ki, cari mövsüm "Qalatasaray" forması ilə 9 matça çıxan Osimhen 8 qol və 3 məhsuldar ötürmə ilə yadda qalıb.
Nihat
