"Sunqurlar" filminin davamı çəkilsə, rol almaq istəyərəm, amma hazırda elə bir plan yoxdur. "Sunqurlar"dan da önəmlisi mənim üçün Qarabağ zəfəridir. İkinci Qarabağ müharibəsi ilə bağlı film çəkəcəyik, onun layihəsini hazırlayıram.
Kult.az xəbər verir ki, bu sözləri Oxu.az-a açıqlamasında Türkiyənin məşhur aktyoru, "Sunqurlar", "Qurtlar vadisi" seriallarında oynadığı rollarla məşhur olan Ərtoğrul Şakar deyib.
O, Azərbaycanda çoxlarına maraqlı olan suala da cavab verib:
"Qurtlar vadisi"nin davamının çəkilib-çəkilməyəcəyinə istehsalçı şirkət qərar verir. Amma rol verilsə, yenidən çəkilərəm".
