Braziliya millisinin müdafiəçisi Markinyos “selesao”nun çox da uğurlu olmayan nəticələri mənzərəsində azarkeşlərə müraciət ünvanlayıb.
Arena.az xatırladır ki, Braziliya millisi 2026-cı il dünya çempionatının CONMEBOL bölgəsi üzrə seçmə mərhələsinin 11 turundan sonra 17 xalla 4-cü pillədə qərarlaşıb.
“Biz görürük ki, bir çox insan həqiqətən milli komandanı dəstəkləyir, ona görə də bu həvəsi itirməyin. Bura Braziliyadır və biz “selesao” oyunçuları üçün burada olmaq böyük şərəfdir.
Biz hər zaman nümunə göstərməklə, ünsiyyət qurmaqla, görüşlərdə iştirak etməklə, fikir və mülahizələrimizi bildirməklə bir-birimizə əlimizdən gələn köməyi etməyə çalışırıq. Bacardığımız qədər rolumuzu oynamağa çalışırıq. Məsələn, Danilo oynamırdı, amma ehtiyat oyunçular skamyasında və gündəlik həyatda, məşqlərdə və görüşlərdə çox fəal idi.
Futbol – dörd xəttdən artıq bir məqamdır, orada hər şey olmur. Komandada hər şey çox hərəkidir. Kim bura gəlirsə, mümkün olan hər şeyi etməlidir. Oynamaqla deyilsə, yaxşı hazırlıqla, oynayacaq kəslərin rəqabət qabiliyyətini artırmaqla”, – Braziliya millisinin mətbuat xidməti Markinyosdan sitat gətirir.
Xatırladaq ki, noyabrın 20-də Braziliya millisi 2026-cı il dünya çempionatının CONMEBOL bölgəsi üzrə seçmə mərhələsinin 12-ci turu çərçivəsində əzəli rəqibi Uruqvay yığmasını qəbul edəcək. Hakim oyunu Bakı vaxtı ilə saat 04:45-də başladacaq.
Markinyos PSJ-yə 2013-cü ilin iyulunda 31,4 milyon avro müqabilində “Roma”dan keçib. Braziliyalı müdafiəçinin Paris klubu ilə müqaviləsinin müddəti 2028-ci ilin iyun ayının sonuna qədər qüvvədədir.
Cari mövsümdə braziliyalı müdafiəçi PSJ-nin heyətində bütün yarışlarda 13 oyuna çıxıb. Markinyosun Fransa nəhənginin heyətində ümumi statistikası isə belədir: 456 oyun, 38 qol və 12 məhsuldar ötürmə.
Braziliyalı futbolçu PSJ ilə 10 dəfə Fransa Liqa 1-in, 7 dəfə Fransa Kubokunun, 6 dəfə Fransa Liqa Kubokunun, 8 dəfə Fransa Super Kubokunun qalibi, həmçinin 2019/2020 mövsümündə UEFA Çempionlar Liqasının finalçısı olub. Müdafiəçi son illərdə Paris təmsilçisinin əsas kapitanıdır.
Markinyos 2013-cü ilin noyabrında debüt etdiyi Braziliya millisinində 94 oyuna 7 qol vurub, 4 məhsuldar ötürmə verib. Müdafiəçi “selesao” ilə 2016-cı il Rio-de-Janeyro Olimpiadasınını qalibi olub, həmçinin, 2019-cu il Amerika Kubokunu qazanıb.
