19 yaşadək futbolçulardan ibarət Azərbaycan millisi (U-19) Avropa çempionatının seçmə mərhələsində bu gün növbəti sınağına çıxıb.
Arena.az xəbər verir ki, 7-ci qrupda yer alan yığmamız Moldova seçmə komandası ilə üz-üzə gəlib.
Moldovanın paytaxtı Kişinyovdakı “Zimbru” stadionunda təşkil olunmuş qarşılaşmanı şotlandiyalı baş hakim idarə edib. Dörd qolun qeydə alındığı oyunda qalib müəyyənləşməyib. Millimiz ilk hissədə Həsən Nəzərlinin dublu sayəsində 2:0 önə keçsə də, fasilədən sonra buraxdığı qollar nəticəsində qələbəni əldən verib. Meydan sahibləri bərabərlik qolunu 90+7-ci dəqiqədə vurublar.
Qeyd edək ki, Elxan Abdullayevin rəhbərlik etdiyi U-19 millimiz AÇ-2025-in seçmə mərhələsi çərçivəsindəki ilk oyununda İslandiya yığması ilə qarşılaşmış və 0:2 hesabıyla uduzmuşdu. Komandamız sonuncu İrlandiya ilə görüşdə isə 0:4 hesablı məğlubiyyətə üzülmüşdü.
Moldova yığması da millimiz kimi uğursuz çıxışı ilə diqqət çəkib. Bugünkü rəqibimiz ilk turda İrlandiya ilə qolsuz heç-heçəyə nail olsa da, ikinci turda İslandiyaya 0:1 hesabıyla uduzmuşdu.
AÇ-2025-in seçmə mərhələsi
7-ci qrup
19 noyabr
Moldova – Azərbaycan 2:2
Qollar: Nikolae Sula, 55. Ovidiu David, 90+7 – Həsən Nəzərli, 15; 45+1.
Baş hakim: David Dikkinson (Şotlandiya).
Baş hakimin köməkçiləri: Kreyq Ferguson (Şotlandiya), Lukaş Matuşek (Çexiya).
Dördüncü hakim: Yan Petrik (Çexiya).
Kişinyov. “Zimbru” stadionu. Saat 15:00.
Moldova: 1. Sergey Obiskalov, 2. Niku Fortuna, 4. Ovidiu David, 5. Daniel Andreyku (k), 7. Artur Sprinsean, 8. Aleksandru Mardari (14. Maksim Çernat, 67), 9. Nikolae Sula (11. Sandu Roqa, 85), 10. Boqdan Musteata (20. David Dimitrisin, 78), 16. David Sirbu (15. İqor Sava, 46), 17. Vlad Paskari, 18. Andrey Sosnovski.
Ehtiyat oyunçular: 12. Pavel Sokolov, 3. Leonid Mosneaqu, 6. Kiril Tap, 13. İvan Qraminski, 19. Matteo Çaban.
Baş məşqçi: Sergey Çebotari.
Azərbaycan: 22. Səlim Həşimov, 3. Nihad Əliyev, 4. Hüseyn Hüseynov, 5. Məhəmməd Məmmədli, 6. Nadir Orucov, 7. Murad Məmmədov, 9. Nihad Orucəli (11. Şahin İbrahimov, 70), 17. Qadir Ramazanov, 20. Həsən Nəzərli, 21. Hikmət Cəbrayəlzadə, 23. Nihad Əhmədzadə.
Ehtiyat oyunçular: 1. Sadiq Məmmədzadə, 2. Surxay Nəbiyev, 8. İlkin Cəfərli, 10. Əşrəf Ələkbərli, 15. Elgün Dünyamalıyev, 19. Emil Bünyatzadə.
Baş məşqçi: Elxan Abdullazadə.
Xallar: İrlandiya – 7. İslandiya – 6. Moldova – 2. Azərbaycan – 1.
