Kaliforniyada yerləşən, süni intellekt çiplərinin miqyaslı şəkildə daha səmərəli işləməsinə nail olmağı hədəfləyən "Enfabrica" startapı çərşənbə axşamı 115 milyon dollar sərmayə topladığını və yeni çipini gələn ilin əvvəlində təqdim etməyi planlaşdırdığını açıqlayıb.
Valyuta.az "Yahoo Finance"a istinadən xəbər verir ki, "Broadcom" və "Alphabet" şirkətlərinin keçmiş mütəxəssisləri tərəfindən təsis edilən "Enfabrica", süni intellekt sahəsində ən böyük texniki problemlərdən birinə - on minlərlə çipin şəbəkə vasitəsilə birləşdirilməsinə dair həll yolları üzərində çalışır.
Şirkət bildirir ki, əgər şəbəkə kifayət qədər sürətli olmasa, "Enfabrica"ya sərmayə qoyan digər şirkətlərin baha qiymətə başa gələn çipləri məlumatları gözləyərək səmərəsiz qalır.
"Enfabrica"nın çipi, süni intellekt hesablama çiplərinə hazırkı şəbəkə çipləri ilə müqayisədə eyni anda daha çox şəbəkə hissəsi ilə əlaqə qurmağa imkan yaradaraq bu tıxanma problemini həll etməyi hədəfləyir.
Şirkətin həmtəsisçisi və baş icraçı direktoru Roçan Sankar (Rochan Sankar) "Reuters" agentliyinə açıqlamasında qeyd edib ki, mövcud texnologiyalar təxminən 100.000 süni intellekt çipini birləşdirdikdən sonra şəbəkə yavaşlamağa başlayır. Sankar bildirib ki, "Enfabrica"nın texnologiyası bu rəqəmi 500.000 çipə qədər artırmaqla daha böyük süni intellekt modellərinin hazırlanmasını mümkün edəcək.
Bu proses həftələr və ya aylar tələb edə bilər, nəticədə alınan süni intellekt modeli etibarlı və dəqiq olmadıqda milyonlarla dollar itkisinə səbəb ola bilər.
"Son altı-doqquz ay ərzində məlum olub ki, şəbəkənin xüsusiyyətləri - istər bant genişliyi, istər davamlılıq, istərsə də itkilərdən bərpa imkanları - hesablama gücünün effektivliyini təyin edir," deyə Sankar vurğulayıb. "Bu faktorlar, xüsusən miqyas böyüdükcə daha da önəmli olur."
Çərşənbə axşamı elan edilən investisiya raunduna "Spark Capital" rəhbərlik edib. Yeni investorlar arasında "Maverick Silicon" və "VentureTech Alliance" da var. Bundan əlavə, "Atreides Management", "Alumni Ventures", "IAG Capital", "Liberty Global Ventures", "Sutter Hill Ventures" və "Valor Equity Partners" kimi mövcud investorlar da bu raunda qoşulub.
Rəhim
