Ağdamda genişmiqyaslı bərpa və yenidənqurma işləri sürətlə davam etdirilir.
Bu barədə İqtisadiyyat.az Ağdam, Füzuli və Xocavənd rayonlarında Bərpa, Tikinti və İdarəetmə Xidmətindən məlumat əldə edib.
Belə ki, Ağdam şəhəri 4 nömrəli yaşayış massivi, 9 və 10-cu məhəllələr üzrə çoxfunksiyalı orta mərtəbəli yaşayış binalarının tikintisi işlərinə başlanılır.
Dövlət Xidməti layihənin icrasının 23 740 446,66 manata başa gələcəyini proqnozlaşdırıb.
Bundan əlavə, qurum Xıdırlı kəndində qeyri-yaşayış binalarının tikinti-quraşdırma işlərinin 3,4 milyon manata, Kəngərli kəndində qeyri-yaşayış binalarının tikinti-quraşdırma işlərinin 7 milyon manata, Sarıcalı kəndində qeyri-yaşayış binalarının tikinti-quraşdırma işlərinin 5 milyon manata başa gələcəyini ehtimal edir.
