Yəmənin şimalında hakim “Ənsar Allah” şiə hərbi-siyasi hərəkatı Qırmızı dənizdə gəmiyə yeni hücum etdiyini açıqlayıb.
SİA xəbər verir ki, təşkilatın Telegram kanalında verdiyi məlumata görə, o, İsrail limanlarına giriş qadağasını pozub. Ballistik və gəmi əsaslı raketlərdən istifadə edilən hücumun hədəfinin Anadolu S gəmisi olduğu iddia edilir.Husi hərbi qüvvələrinin nümayəndəsi Yəhya Sariyanın dediyi kimi, “zərbə dəqiq və birbaşa olub”.
O əlavə edib ki, gəmi dəniz xəbərdarlıqlarına cavab vermədiyi üçün hücuma məruz qalıb və onun sahibi olan şirkət limana girişi qadağan edən qərarı pozub.
Husilərin hərbi sözçüsü vurğulayıb ki, Yəmən qüvvələri İsrailə qarşı dəniz blokadasını davam etdirir və onunla əlaqəli bütün gəmilərə, onun limanlarına gedən və ya İsrail hakimiyyəti ilə məşğul olan gəmilərə zərbə endirəcək. Sarianın sözlərinə görə, Təl-Əviv Qəzza zolağına qarşı təcavüzündən əl çəkməyənə qədər hücumlar dayanmayacaq.
Əli Babayev
