"Barselona"nın gənc ulduzu Lamin Yamalın bu yay Fransanın PSJ klubuna keçmək variantı olub.
Fanat.Az xəbər verir ki, Paris nəhəngi 17 yaşlı vingeri əldə etmək üçün Kataloniya klubuna fantastik məbləğ - 250 milyon avro təklif edib.
Məlumatı "Barselona"nın prezidenti Juan Laportanın müşaviri Enrik Matipə istinadən tanınmış insayder Fabritsio Romano yayıb.
Klub rəsmisi bu barədə belə deyib: "PSJ ötən yay Lamin Yamal üçün 250 milyon avroluq bir təklif göndərdi. Laporta isə heç düşünmədi. Qarşı tərəfə "Yamalın satılması mümkün deyil" mesajı göndərdi".
Qeyd edək ki, cari mövsüm bütün turnirlərdə 16 matça çıxan Yamal 6 qol və 8 məhsuldar ötürmə ilə yadda qalıb. Onun İspaniya nəhəngi ilə müqaviləsinin müddəti 2026-cı ilin iyun ayının sonuna qədər nəzərdə tutulub.
Mirağa
