“Royal Caribbean Cruises”in “Explorer of the Seas” gəmisi Kanar adalarında fırtınaya tutulub. Bu an sərnişinlərin dediyinə görə, gəmidə “Titanik” filmindən məşhur Selin Dionun “My Heart Will Go On” mahnısı səslənirilib ki, bu da vəziyyətə məşum effekt verib.
Sfera.az bildirir ki, "Titanik" filminin mahnısı səsləndirilərkən fırtınaya tutulmuş kruiz gəmisindəki sərnişinlər bir anlıq çaxnaşma yaşayıblar.
“Royal Caribbean”ın məlumatına görə, hadisəyə gözlənilməz qasırğa səbəb olub. Sosial mediada yayılan hadisənin görüntülərində sərnişinlərin panika içində qaçması, mebellərin göyərtə boyunca sürüşdüyü görünür.
Sərnişinlərdən biri Den So, əyilmə anında həyatı üçün ciddi şəkildə qorxduğunu etiraf edərək, həmkarları, doğmaları ilə vidalaşıb. Adam qeyd edib ki, gəminin əyildiyi an “Titanik” filmindəki kadrlara bənzəyir.
"Son mesajımı öləcəyimi düşünərək yazdım" - deyə bildirib.
“Explorer of the Seas” kruiz gəmisi güclü külək nəticəsində zədələnib.
Hadisə noyabrın 7-də gəmi Barselonadan (İspaniya) Mayamiyə (ABŞ) gedərkən baş verib. Yaralı sərnişinlərdən birinin quruda tibbi yardım ala bilməsi üçün “Explorer of the Seas” Las Palmasda dayanmalı olub. İşçilər təhlükəsizlik yoxlamaları apararkən insanlardan da otaqlarında qalmaları istənilib.
Fırtına bir neçə gün keçdikdən sonra gəmi noyabrın 17-də Mayamiyə çatıb. Bu hadisəni yaşayan sərnişinlər təəssüratlarını jurnalistlərlə bölüşüblər. Onlardan biri Alvero Pupo vəziyyəti “dəli bir təcrübə” kimi qiymətləndirib.
"Gəminin əyildiyini, yeməyim, boşqablarım, stullarım, hər şeyin hər yerdə uçduğunu görməyə başladıq. Bu, əsl xaos idi".
Bununla belə, sərnişinlər kapitanı və ekipajı təmkinlərini qoruduğu və hər kəsin sakit qalması üçün əziyyət çəkdiyini bildiriblər.
Qeyd edək ki, “Explorer of the Seas” 15 göyərtəli və maksimum 4290 sərnişin tutumlu gəmidir.
Aynil
