Argentina yığmasının kapitanı Lionel Messi milli komandalar tarixində assist rekordunu təkrarlayıb.
Fanat.Az "Opta"-ya istinadən xəbər verir ki, 37 yaşlı ulduz hücumçu buna dünya çempionatının Cənubi Amerika seçmə turnirində Peru ilə matçda nail olub.
Argentinanın paytaxtı Buenos-Ayresdəki "Estadio Alberto Jaquinto Armando" stadionunda baş tutan qarşılaşmanın taleyini bir qol həll edib ki, Lautaro Martinesin fərqlənməsinə Messi şərait yaradıb. Beləliklə, o, millidəki assistlərinin sayını 58-ə çatdırıb. Forvard bu göstəricidə indiyədək lider olan ABŞ millisinin əfsanəvi oyunçusu Lendon Donovana çatıb.
Qeyd edək ki,Peru üzərində 1:0 hesablı qələbədən sonra son dünya çempionu Argentina 25 xalla liderdir.
Mirağa
